Fimmtudaginn 11. febrúar voru grafnar 4 holur í lóðina við Valhúsahæð til að kanna jarðveg þar sem áform eru um að byggja hjúkrunarheimili.
Fimmtudaginn 11. febrúar voru grafnar 4 holur í lóðina við Valhúsahæð til að kanna jarðveg þar sem áform eru um að byggja hjúkrunarheimili.
Helst var verið að kanna á hve djúpt væri í klöpp sem er á þessu svæði og reyndist hún vera á 3-5 metra dýpi þar sem grafið var. Reynist klöppin vera í þessu dýpi á öllu svæðinu þá verður vinnan við grunn hússins hagkvæm því þá þarf minna að sprengja fyrir húsinu.
Jarðvegurinn á þessu svæði reyndist vera gamall sjávarbotn og telur garðyrkjustjóri bæjarins Steinunn Árnadóttir jarðveginn geta nýst í garðyrkju bæjarins.
Á myndinni er Ásgerður Halldórsdóttir bæjarstjóri ásamt Stefáni Eiríki Stefánssyni bæjarverkfræðingi, Snorra Aðalsteinssyni félagsmálastjóra og Hreini Sigurjónssyni gröfumanni.