Hópurinn á leið í íþróttahúsið
Íþróttaskóli Gróttu býður elsta árgangi leikskólabarnanna Seltjarnarness kennslu í þeim greinum sem Grótta bíður upp á það er knattspyrna, handbolti og fimleikar. Lögð er áhersla á að æfingarnar séu einfaldar og skipulagðar þar sem allir fá verkefni við sitt hæfi.
Íþróttagreinarnar eru ólíkar þannig að fjölbreytnin er mikil. Í boltagreinunum er áhersla á leiki í svokölluðu boltaformi ásamt því að farið er í einfaldar tækniæfingar með bolta. Í fimleikunum er áhersla lögð á einfaldar gólfæfingar svo sem kollhnís og einfaldar samhæfingar, einnig verður farið í hópleiki.
Hópurinn byrjaður í fyrsta tímanum
Íþróttaskólinn hófst nú í byrjun febrúar og er þetta fjórða árið sem leikskólabörnin njóta þessara tíma. Kennslan hefur mælst afar vel fyrir hjá börnum, foreldrum og starfsfólki leikskólanna.