Garðyrkjustjóri Seltjarnarness Steinunn Árnadóttir vann að margvíslegum verkefnum í sumar og meðal þeirra var að fegra svokallaðan „innigarð“ í húsi Valhúsaskóla. Garðurinn er í opnu miðrými og hefur svæðið verið í órækt til þessa.
Steinunn hannaði garðinn með japönsku yfirbragði þannig hefði garðurinn róandi áhrif og stuðli að vellíðan nemenda og starfsfólks.
Starfsfólk framkvæmda- og þjónustumiðstöð kom að framkvæmdinni ásamt flokkstjórum Vinnuskólans en Steinunn lagði lokahönd á verkið.
Ekki er ætlast til að gengið verði um garðinn, heldur er hann eins konar stillimynd kyrrðar og rólyndis sem hægt er að njóta með augunum einum.
„Þá verður sett lýsing í garðinn og má hugsa sér að setja í hann jólaljós í jólamánuðinum“ segir Steinunn sátt við verkið og þakklát fyrir góða samvinnu þeirra sem lögðu hönd á plóg.