Þessa dagana eru sumarstarfsmenn á bæjarskrifstofu að hringja í fasteignaeigendur á Seltjarnarnesi og bjóða að greiðsla fasteignagjalda sé færð á kreditkort. Verkefnið er hugsað sem þjónustuauki við bæjarbúa og er valfrjáls. Sjá nánar:
Þessa dagana hafa tveir sumarstarfsmenn á bæjarskrifstofu Seltjarnarnesbæjar það verkefni að hringja í fasteignaeigendur á Seltjarnarnesi og kynna þann möguleika að setja greiðslu fasteignagjalda á kreditkort í stað þess að fá kröfu í heimabanka. Starfsmennirnir hringja úr símanúmeri þjónustuvers Seltjarnarnesbæjar 5959100 og kynna sig skilmerkilega auk þess að vinna eftir skýru ferli. Þjónustan er valfrjáls og eingöngu hugsuð sem þjónustuauki við bæjarabúa.