Tónstöfum, samstarfsverkefni Bókasafns Seltjarnarness og Tónlistarskóla Seltjarnarness lauk á þessum vetri með tónleikum lengra kominna píanónemenda Aðalheiðar Eggertsdóttur í byrjun maí.
Tónstöfum, samstarfsverkefni Bókasafns Seltjarnarness og Tónlistarskóla Seltjarnarness lauk á þessum vetri með tónleikum lengra kominna píanónemenda Aðalheiðar Eggertsdóttur í byrjun maí.
Húsfyllir var á tónleikunum en þeir sem fram komu voru Anna Bergljót Gunnarsdóttir, Sólrún Guðjónsdóttir og Friðrik Guðmundsson sem öll hafa verið nemendur Aðalheiðar frá unga aldri og hafa lokið 6. stigi í píanóleik.
Anna Bergljót lauk auk þess framhaldsprófi vorið 2012 og Friðrik stefnir á nám í tónsmíðum. Verkin á efnisskránni voru eftir Beethoven, Bartók, Chopin og Gade auk þess sem Friðrik frumflutti verk eftir sjálfan sig.