Þessa dagana er að hefjast vinna við heildarskipulag svæðisins vestan núverandi byggðar á Seltjarnarnesi, sem meðal annars nær yfir Gróttu, Suðurnes og Vestursvæða. Markmiðið með skipulagsvinnunni er að móta heildstæða framtíðarsýn sem byggir á stefnu þeirri sem sett er fram í Aðalskipulagi Seltjarnarness 2006-2024.
Af þessu tilefni hefur verið ákveðið að efna til hugmyndaþings sem haldið verður í Lyfjafræðisafninu við Neströð á Seltjarnarnesi milli kl. 10 og 12 laugardaginn 24. nóvember, 2007.
Tilgangur þingsins er að kynna skipulagsvinnuna sem er að hefjast og kalla eftir hugmyndum íbúa um framtíðar skipulag umrædds svæðis.
Dagskrá þingsins verður sem hér segir
Kl. 10:00 Kynning á skipulagsvinnunni og stefnu bæjaryfirvalda
Erindi um náttúrufar svæðisins
Erindi um sögu svæðisins
Kl. 10:40 Kaffihlé
Kl. 11:00 Umræðuhópar
Kl. 12:00 Þingi slitið
Seltirningar eru hvattir til að mæta og taka þátt í að móta skipulag Vestursvæðisins