Gymnova þrepamót FSÍ í Laugardagshöll.
Fimleikadeild Gróttu stóð sig vel í Gymnova þrepamóti FSÍ í áhaldafimleik sem haldið var í Laugardagshöll helgina 29. – 30. janúar sl. Þetta mót er eitt fjölmennasta fimleikamót ársins, en þátt tóku um 250 stúlkur og drengir á aldrinum 9-16 ára frá 10 félögum. Keppnin var aldursskipt og voru keppnishóparnir alls 17. Hjá stúlkum var keppt á fjórum áhöldum en drengir kepptu á sex áhöldum. 
Veitt voru verðlaun fyrir árangur á einstökum áhöldum og fyrir fjölþraut þ.e. samanlagður árangur í keppni á öllum áhöldum.
Keppendur Gróttu stóðu sig afbragðsvel á þessu móti og í heildina fengu þau 29 verðlaunapeninga. Grótta átti fjölþrautar-meistar í 
fjórum hópum, þær Tinnu Óðinsdóttur, Dominó Belany, Helgu Kristínu Einarsdóttur og Evu Katrínu Friðgeirsdóttur. Þjálfarar keppenda Gróttu á þessu móti voru Ásdís Björk Pétursdóttir, Lára Ragnarsdóttir Constanín Antonow og Guðrún María Jónsdóttir.
Íslands- og meistaramót í almennum fimleikum í Vestmanneyjum.
Helgina 5. og 6. febrúar fór fram Íslandsmót og meistaramót í almennum fimleikum, var það haldið í Vestmannaeyjum. Guðrún María Johnsson, Anja R. Egilsdóttir og Edda R. Kjartansdóttir unnu til verðlauna á Íslandsmótinu sem fór fram á laugardeginum.
Á Meistaramótinu sem var á sunnudeginum eignaðist Grótta meistara í 2 þrepi, 12 ára og yngri, en það var Elín Margrét 
Björnsdóttir. Í öðru sæti varð Marta María Árnadóttir. Þjálfarar stúlknanna eru Gabríella Belany og henni til aðstoðar er Constantín Antonov.
Stjörnutromp.
Sunnudaginn 13. febrúar kepptu þrír hópar frá Gróttu á Stjörnutrompi, þar lenti T-2 í fyrsta sæti, T-1 í öðru sæti og T-3 í fjórða sæti. Góður árangur hjá þessum hópum.
Á vefnum www.fimleikar.is er hægt að sjá öll úrslit og ýmar upplýsingar varðandi fimleika.