Að frumkvæði umhverfisnefndar Seltjarnarnesbæjar hófust rannsóknir á minjum við Bygggarðsvör í sumar með leyfi Fornleifaverndar ríkisins.
Rannsóknirnar eru í tengslum við hugmyndir um viðhald minja er tengjast sjósókn við Vörina ásamt uppbyggingu nýrra mannvirkja í anda þeirra er þar voru á 19. öld. Margrét Hermanns Auðardóttir, fornleifafræðingur er umsjónarmaður verksins en tilgangur rannsóknanna er að kanna hlutverk og aldur valinna mannvirkjaleifa við Bygggarðsvör.
Vel miðar við rannsóknirnar og hefur nokkuð fundist af munum sem verið að rannsaka um þessar mundir. Búist er við að áfangaskýrsla verði lögð fram í þessum mánuði og mun framhaldið uppbyggingar á Bygggarðsvör taka mið af niðurstöðum hennar.
