Föstudaginn 5. september, hófst í Mýrarhúsaskóla átakið Göngum í skólannog mun það standa til 25. sept.
Föstudaginn 5. september, hófst í Mýrarhúsaskóla átakið Göngum í skólannog mun það standa til 25. sept. Þetta er í áttunda sinn sem Ísland er þátttakandi í þessu verkefni og stöðugt bætast fleiri skólar í hópinn. Grunnskóli Seltjarnarness hefur verið með frá upphafi, en í fyrra voru 64 skólar á landinu skráðir til leiks.
Markmið verkefnisins er m.a. að:
- hvetja til aukinnar hreyfingar
- auka færni barna til að ganga á öruggan hátt í skólann
- fræða nemendur um ávinning reglulegrar hreyfingar
- minnka bílaumferð í nágrenni grunnskóla
Grunnskóli Seltjarnarness hvetur foreldra til að fylgja yngstu börnunum, gangandi eða hjólandi og nota þá tækifærið og kenna þeim öruggustu leiðina í skólann. Allir bekkir fá viðurkenningarskjal fyrir þátttökuna og veitt verða þrenn verðlaun fyrir bestan árangur. Þær bekkjardeildir sem ná bestum árangri fá gull-, silfur- eða bronsskóinn til varðveislu þar til næsta Göngum í skólann keppni verður í vor.