Gervigrasvöllurinn við Suðurströnd var formlega vígður á Gróttudeginum sem haldinn var hátíðlegur síðastliðinn laugardag að viðstöddu fjölmenni. Vígslan fór fram á hinum árlega Gróttudegi knattspyrnudeildarinnar.
Gervigrasvöllurinn við Suðurströnd var formlega vígður á Gróttudeginum sem haldinn var hátíðlegur síðastliðinn laugardag að viðstöddu fjölmenni. Vígslan fór fram á hinum árlega Gróttudegi knattspyrnudeildarinnar. 
Formaður æskulýðs- og íþróttaráðs Seltjarnarness, Lárus B. Lárusson flutti ávarp við vígsluna og sagði þar meðal annars að nú væri langþráður draumur knattspyrnumanna á Seltjarnarnesi um bætta aðstöðu orðinn að veruleika.
Jónmundur Guðmarsson, bæjarstjóri, klippti á borðann ásamt Garðari Guðmundssyni, stofnanda Gróttu. Sóknarprestur Seltjarnarneskirkju, séra Sigurður Grétar Helgason fór síðan með stutta bæn og blessaði völlinn.
Myndirnir tók Haukur Harðarson