Á annað hundrað bæjarfulltrúar, nefndarfólk og lykilembættismenn frá öllum sveitarfélögum á höfuðborgarsvæðinu funduðu í Menntaskólanum í Kópavogi um helgina til að móta sameiginlega framtíðarsýn fyrir Samtök sveitarfélaga á höfuðborgarsvæðinu (SSH).
Fundurinn er liður í stærra verkefni sem unnið er að á vegum SSH undir stjórn framtíðarhóps sem Dagur B. Eggertsson borgarfulltrúi stýrir. Markmið hópsins var að ræða framtíðarsýn fyrir höfuðborgarsvæðið og þau tækifæri sem við eigum í auknu samstarfi sveitarfélaganna.
Framtíðarhópurinn mun á næstu mánuðum móta tillögur sínar m.a. á þeirri vinnu sem fram fór í Menntaskólanum í Kópavogi um helgina. Þær verða væntanlega afgreiddar í SSH á haustmánuðum.
Fundurinn var með þjóðfundarsniði.
Það var mál manna að rauði þráðurinn á fundinum var samstarfs og samvinna.