Lagfæringar á háspennustreng sem liggur um göngustíg frá dælustöðinni við Lindarbraut að Nesbala hefjast á fimmtudag, verktími er 2-3 vikur. Settar hafa verið upp hjáleiðir og eru vegfarendur hvattir til að fara varlega.
Veitur munu í vikunni hefja framkvæmdir við Lindarbraut 13 (dælustöðin) og Nesbala 23 en háspennustrengur bilaði á þeim stað fyrir skömmu sem nauðsynlegt er að gera við en hann er óstarfhæfur. Áætlaður verktími er 2-3 vikur.
Undanfarnar vikur lagnirnar verið skoðaðar og í ljós komið að nauðsynlegt reynist að loka alveg göngustígnum á meðan á framkvæmdum stendur. Viðeigandi merkingar sem kynna hjáleiðir gangandi og akandi vegfarenda hafa verið settar upp á svæðinu.
Gera má ráð fyrir aukinni umferð vinnuvéla og öðru raski á meðan á þessu stendur og eru vegfarendur hvattir til að fara varlega sem og að upplýsa yngri kynslóðina sem á mögulega leið þarna framhjá.
Það er hugsanlegt að loka þurfi fyrir rafmagn tímabundið á verktímanum og verður upplýst um slíkt með góðum fyrirvara.
Veitur og Seltjarnarnesbær þakka þolinmæðina
![312404265_440296711643632_4335653397787280705_n](/static/files/frettir/medium/312404265_440296711643632_4335653397787280705_n.jpg)
![312160223_546350950663278_9104985727619773211_n](/static/files/frettir/medium/312160223_546350950663278_9104985727619773211_n.jpg)
![315526191_460352626006818_2249123032551341736_n](/static/files/frettir/large/315526191_460352626006818_2249123032551341736_n.jpg)