Bæjarstjórnarkosningar í Seltjarnarnesbæ fara fram laugardaginn 14. maí 2022
Í yfirkjörstjórn Seltjarnarnesbæjar eiga sæti
- Árni Ármann Árnason, formaður, netfang: arni@libralaw.is
- Pétur Kjartansson
- Gunnlaugur Ástgeirsson.
Föstudaginn 8. apríl 2022 kl. 12, rennur út frestur til að skila framboðslistum vegna bæjarstjórnarkosninga í Seltjarnarnesbæ, sem verða þann 14. maí 2022.
Yfirkjörstjórn mun þá taka við framboðslistum á bæjarstjórnarskrifstofu Seltjarnarnesbæjar, að Austurströnd 2, kl. 11.00-12.00.
Enginn má bjóða sig fram á nema einum lista.
Hverjum framboðslista skal fylgja:
- Staðfesting á skráðu heiti og listabókstaf nýrra stjórnmálasamtaka.
- Yfirlýsing allra frambjóðenda um að þeir hafi leyft að setja nöfn sín á listann, undirrituð eigin.
- Nöfn tveggja umboðsmanna
- Meðmælendalisti – að lágmarki 40 og að hámarki 80 meðmælenda.
- Yfirkjörstjórn fer þess á leit við forsvarsaðila framboða að afhenda jafnframt meðmælendalista á tölvutæku formi sem excel skrá.
Varðandi nánari skilyrði og fyrirmæli um framboð til sveitarstjórnarkosninga er vísað til VII. kafla kosningalaga nr. 112/2021.
Meðmælendakerfi á Island.is
Þjóðskrá hefur nú opnað Meðmælendakerfi á Ísland.is sem stjórnmálasamtök geta nýtt í þeim tilgangi að skrá meðmælendur framboðslista fyrir sveitarstjórnarkosningarnar.
Yfirkjörstjórn boðar til fundar með umboðsmönnum frambjóðenda þann 8. apríl 2022, kl. 16.00, í bæjarstjórnarsal Seltjarnarnesbæjar, þar sem hún úrskurðar um framkomna framboðslista.
Þegar yfirkjörstjórn hefur úrskurðað um framboðin mun hún auglýsa framboðslista, bókstaf listanna og nöfn frambjóðanda á hverjum lista.
Kjörskrá
Kjörskrá vegna sveitarstjórnarkosninga 14. maí 2022 verður aðgengileg í þjónustuveri bæjarskrifstofu Seltjarnarnesbæjar, Austurströnd 2, frá og með 25. apríl nk. Gert er ráð fyrir að opnað verði fyrir vefuppflettið „Hvar á ég að kjósa“ á skra.is þann 8. apríl nk. þar sem einstaklingar geta athugað hvar þeir eiga að kjósa.
