Borholuframkvæmdin gekk vonum framar og var nær hnökralaus en borað var niður í tæpa 2200 metra. Nú tekur við frágangur við borholuhúsið og lóðina.
Borholuframkvæmd Hitaveitu Seltjarnarness vestan Bygggarða hefur gengið framar vonum og mun hraðar en áætlað var. Borunin var nánast hnökralaus en borað var niður í tæpa 2200 metra. Holan er vel opin og gefur að lágmarki um 40 L/sek. Tæki og áhöld verða fjarlægð á næstu dögum en þá tekur við frágangur við borholuhúsið og lóðina.
Starfsmenn Þjónustumiðstöðvar Seltjarnarnesbæjar hafa unnið hörðum höndum við þetta umfangsmikla verkefni ásamt fjölmörgum utanaðkomandi sérfræðingum. Á myndinni má sjá starfsmenn Þjónustumiðstöðvarinnar á verkstað, frá vinstri: Jón, Anton, Jóhannes Geir, Ari, Moses, Sveinn Vilberg og Hreinn.
