Það voru ánægjuleg tíðindi þegar það spurðist að einum af starfsmönnum Seltjarnarnessbæjar hefði boðist áhugavert starf yfirmanns fjármála- og stjórnsýslu hjá ÖSE - Öryggis og samvinnustofnun Evrópu.
Birgir Finnbogason, framkvæmdastjóri fjárhags- og stjónsýslusviðs, hefur verið ráðinn til eins árs til að gegna þessu veigamikla hlutverki hjá ÖSE.
Birgir segir um starfið: „Ég lít svo á að með þessu starfi sé verið að sýna mér, mínum vinnuveitenda og þjóðinni mikið traust og því er mikil áskorun fyrir mig að taka starfinu.“
Ásgerður bæjarstjóri sagði af þessu tilefni: „Við Seltirningar getum verið stolt af því að ÖSE skuli sækja einn af framkvæmdastjórum bæjarins til þess að gegn svo mikilli áhrifastöðu hjá stofnuninni. Við öll óskum Birgi góðs gengis á nýjum vettvangi.“