Auðkenndir sumarstarfsmenn á vegum Seltjarnarnesbæjar munu ganga í hús í dag og næstu virku daga til að lesa af hitaveitumælum hjá þeim sem ekki hafa skilað inn álestri það sem af er ári.
Vakin er athygli á því að í dag og næstu virku daga munu sumarstarfsmenn á vegum Seltjarnarnesbæjar ganga í hús til þess að lesa af hitaveitumælum. Starfsmennirnir eru auðkenndir og munu aðeins ganga í þau hús þar sem álestur hefur ekki borist það sem af er ári.
Verði húsráðendur ekki heima þegar starfsmennirnir banka upp á munu þeir skilja eftir miða þar sem húsráðendum er bent á að taka mynd af mælunum og skila inn álestri. Hægt er að skila upplýsingunum á þrennskonar vegu:
- Á heimasíðunni seltjarnarnes.is er hægt að skrá álestur undir „mínar síður“.
- Velkomið að hringja í þjónustuver í síma 595-9100 og tilkynna álestur.
- Hægt að senda tölvupóst á hitaveita@seltjarnarnes.is.