Seltjarnarnesbær keppir í Útsvari spurningakeppni sveitarfélaganna
í ríkissjónvarpinu nk. laugardag 17. október kl. 20:10
Í liði Seltjarnarnesbæjar verða Pálína Magnúsdóttir bæjarbókavörður ásamt Jóni Þráinssyni vélfræðingi og Rögnvaldi Jóhanni Sæmundssyni forstöðumanni Rannsóknarmiðstöðvar HR í nýsköpunar- og frumkvöðlafræðum. Lið Seltjarnarnesbæjar mun etja kappi við lið Álftaness að þessu sinni.
Eru Seltirningar velkomnir í sjónvarpssal til að hvetja sitt fólk. Áhorfendur eiga að mæta stundvíslega kl. 19:45 í stúdíó Ríkissjónvarpsins í Efstaleiti á laugardaginn 17. október.
Áfram Seltjarnarnes!