Nú standa yfir viðgerðir á sjóvarnargarðinum við Norðurströnd rétt hjá Hákarlahjallinum en verulega hefur kvarnast upp úr honum og garðurinn látið á sjá.
Nú standa yfir viðgerðir á sjóvarnargarðinum við Norðurströnd rétt hjá Hákarlahjallinum.
Að sögn Gísla Hermannssonar sviðsstjóra Umhverfissviðs hefur sjóvarnargarðurinn á þessum stað látið á sjá og kvarnast hefur verulega upp úr honum á nokkrum stöðum.
Vegagerðin sér um eftirlit með þessu viðhaldsverkefni sem mun standa yfir næstu vikur. JG vélar, Reykjavík sjá um framkvæmdina, en þeir áttu lægsta tilboð í verkið.
Á meðfylgjandi mynd má sjá verktakann að laga skörðin sem myndast hafa.