Bæði atriði Tónlistarskóla Seltjarnarness, sem tóku þátt í Nótunni, komust í úrslitakeppni og eru á leiðinni í Eldborgarsal Hörpu sunnudaginn 10. apríl þar sem sigurvegari Nótunnar verður krýndur
Bæði atriði Tónlistarskóla Seltjarnarness, sem tóku þátt í Nótunni, komust í úrslitakeppni og eru á leiðinni í Eldborgarsal Hörpu sunnudaginn 10. apríl þar sem sigurvegari Nótunnar verður krýndur.
![Lúðrasveit Tónlistarskóla Seltjarnarness Lúðrasveit Tónlistarskóla Seltjarnarness](/static/files/frettir/xlarge/1935227_10209121963394514.jpg)
Annars vegar er um að ræða Lúðrasveitina, sem keppti í flokki nemenda í grunnnámi með laginu Já, nú er lag, eftir Kára H. Einarsson stjórnanda sveitarinnar og skólastjóra skólans og hins vegar atriði í opnum flokki þar sem Eva Kolbrún Kolbeins, Melkorka Gunborg Briansdóttir, Stefanía Helga Sigurðardóttir og Þóra Birgit Bernódusdóttir fluttu lagið White Winther Hymnal, sem hljómsveitinni Fleet Foxes er þekkt fyrir.
![Eva Kolbrún Kolbeins, Melkorka Gunborg Briansdóttir, Stefanía Helga Sigurðardóttir og Þóra Birgit Bernódusdóttir Eva Kolbrún Kolbeins, Melkorka Gunborg Briansdóttir, Stefanía Helga Sigurðardóttir og Þóra Birgit Bernódusdóttir](/static/files/frettir/xlarge/12814507_10209121963434515.jpg)
Keppnin var haldin í Salnum í Kópavogi Svæðistónleikar NÓTUNNAR fyrir Kragann, Suðurland og Suðurnes voru haldnir í Salnum í Kópavogi sunnudaginn 13. mars síðastliðinn, en Nótan er uppskeruhátíð tónlistarskóla á Íslandi en alls voru það 23 atriði sem kepptu um 7 sæti á lokahátíðinni í Hörpu í apríl.
NÓTAN - uppskeruhátíð tónlistarskóla er samstarfsverkefni Félags kennara og stjórnenda í tónlistarskólum, Samtaka tónlistarskólastjóra, Tónastöðvarinnar, Töfrahurðar og Tónlistarsafns Íslands. Á Nótunni 2016 bættist Sinfóníuhljómsveit áhugamanna í hóp samstarfsaðila. Þátttakendur eru frá öllu landinu og efnisskráin endurspeglar ólík viðfangsefni tónlistarnemenda á öllum stigum tónlistarnáms.