Neyðarstjórn Seltjarnarnesbæjar er stöðugt að störfum og fundar nú á hverjum degi auk þess sem samráðshópur SSH heldur daglega fjarfundi. Fundarefni dagsins í dag/helgarinnar er fyrst og fremst nánari tilögun skólahalds ofl. vegna samkomubanns. Sjá nánar:
Neyðarstjórn Seltjarnarnesbæjar hefur verið að störfum í dag eins og undanfarna daga auk þess sem samráðsfundur SSH var haldinn en samráðshópurinn fundaði einnig í gær og mun funda aftur á morgun. Í dag var fyrst og fremst verið að ræða nánar tilhögun skólahalds í ljósi samkomubanns og tilmæla heilbrigðisráðherra frá því í gær. Unnið er hörðum höndum á öllum vígstöðvum og verða foreldrar og forráðamenn upplýstir um nákvæmt fyrirkomulag skólahalds á Seltjarnarnesi frá þriðjudeginum 17. mars um leið og ákvarðanir um skipulag liggja fyrir.