tærðfræðikeppni grunnskólanemenda var haldin í Menntaskólanum í Reykjavík þann 8. mars síðast liðinn í fimmtánda sinn.
Stærðfræðikeppni grunnskólanemenda var haldin í Menntaskólanum í Reykjavík þann 8. mars síðast liðinn í fimmtánda sinn. Tilgangur keppninnar er að auka áhuga grunnskólanemenda á stærðfræði og auka samstarf á milli grunnskóla og framhaldsskóla.
Valhúsaskóli hefur tekið þátt í keppninni frá upphafi. Að þessu sinni mættu 344 nemendur til keppni frá 19 skólum. Keppendur frá Valhúsaskóla voru 58 talsins. Allir keppendur skólans stóðu sig með stakri prýði í keppninni. Þessi mikla þátttaka endurspeglar ekki minnst þann áhuga sem hefur tekist að vekja og ríkir á stærðfræði innan skólans.
Þrír nemendur skólans náðu einstaklega glæsilegum árangri og voru í verðlaunasætum.
Í keppni fyrir 8. bekk lenti Ómar Ingi Halldórson 7. KLV í fimmta sæti og Bjarki Daníel Þórarinsson 8. RMÓ í fjórða sæti.
Í keppni fyrir 9. bekk lenti Bergljót Sóllilja Hjartardóttir 9. ÞHM í fimmta sæti.
Keppendur 8. bekkjar Grunnskóla Seltjarnarness - Valhúsaskóla. Á myndini er Ómar Ingi Halldórsson fyrstur til hægri
Keppendur 9. bekkjar Grunnskóla Seltjarnarness - Valhúsaskóla. Á mynd er Bergljót Sóllilja Hjartardóttir fjórða frá hægri
Verðlaunaafhending fór fram á Hátíðasal Menntaskólans í Reykjavík sunnudaginn 3. apríl. Hún var afar vel sótt en um 120 gestir mættu. Kór Menntaskólans í Reykjavík sá um tónlistarflutning. Rektor skólans þakkaði fyrir gott samstarf með skólastjórum og stærðfræðikennurum grunnskólanna sem tóku þátt og síðast en ekki síst þakkaði hann grunnskólanemendum fyrir þátttökuna