Ákveðið hefur verið að endurnýja stofnlagnir hitaveitu, þ.e. framrás og bakrás, í Hæðarbrautinni milli Miðbrautar og Melabrautar
Ágætu íbúar,
ákveðið hefur verið að endurnýja stofnlagnir hitaveitu, þ.e. framrás og bakrás, í Hæðarbrautinni milli Miðbrautar og Melabrautar.
Um töluverða framkvæmd er að ræða og munu íbúar verða fyrir einhverjum óþægindum á meðan að á framkvæmdatíma stendur. Verk er að hefjast og áætlaður verktími eru nokkrar vikur.
Þar sem nokkur mengun/rykmengun verður við svona framkvæmd vegna vélavinnu, sögunar og graftrar er íbúum bent á að loka gluggum snúi þeir í átt að verkstað sé þess nokkur kostur.
Beðist er velvirðingar á þeim óþægindum sem framkvæmdirnar kunna að valda.
Ef nánari upplýsinga er óskað vinsamlega hafið samband við undirritaðan.
Virðingarfyllst,
f.h. Hitaveitu Seltjarnarness
Gísli Hermannsson
hitaveitustjóri