Sjaldan hefur verið eins góð þátttaka í Jónsmessuhátíð Seltirninga og núna en ríflega 100 manns tóku þátt í hinni árlegu hátíð sem fram fór 21. júní á vegum menningarsviðs bæjarins. Ferðalag jarðar um sólina og samtal við jurtir var meginþemað að þessu sinni.
Gangan hófst við Hákarlahjallinn við Norðurströnd þar sem SIgurður Konráðsson bauð upp á hákarl og íslenskt brennivín.
Sævar Helgi Bragason leiddi gönguna og fræddi gesti um sólina, sólstöður og ferðalag jarðar um stjörnuna okkar.
Lilja Sigrún Jónsdóttir fór yfir helstu tegundir lækningajurta í Urtagaðinum í Nesi.
í Nesstofu bauð Sigríður Nanna Gunnarsdóttir sýningarstjóri upp á leiðsögn um myndlistarsýninguna List Officinalis og að lokum var boðið upp á þjóðlegar veitingar á þaki Lækningaminjasafn og fróðlegri sólarskoðun með Sævari í gegnum sérstaka sólarsjónauka. Húlladúllan og Kammerkór Seltjarnarness slógu svo botninn í þetta frábæra kvöld með söng og eldhúllagleði.
