Fjárhagsáætlun Seltjarnarnesbæjar fyrir árið 2017 var samþykkt með öllum greiddum atkvæðum á fundi bæjarstjórnar 23. nóvember. Fjárhagsáætlunin var unnin í samvinnu við bæjarfulltrúa Samfylkingar og Neslista í bæjarstjórn Seltjarnarness.
Fjárhagsáætlun Seltjarnarnesbæjar fyrir árið 2017 var samþykkt með öllum greiddum atkvæðum á fundi bæjarstjórnar 23. nóvember. Fjárhagsáætlunin var unnin í samvinnu við bæjarfulltrúa Samfylkingar og Neslista í bæjarstjórn Seltjarnarness.
Í bókun bæjarstjórnar segir: „Fjárhagsáætlun 2017 var unnin í samvinnu allra bæjarfulltrúa, með það að leiðarljósi að styðja vel við grunnþjónustu bæjarfélagsins, s.s. fræðslustarfsemi og félagslega þjónustu.“ Þetta verklag hefur gefist vel og undirstrikar skilning bæjarfulltrúa á fjármálum bæjarins, sem þeir bera ábyrgð á. Við fjárhagsáætlunargerðina var einnig litið til 3ja ára áætlunar bæjarfélagsins fyrir árin 2018-2020.
Í fjárhagsáætlun kemur fram að A-hluti bæjarsjóðs verður rekinn með 67 milljóna rekstrarafgangi á næsta ári. Þá verður samstæða Seltjarnarnesbæjar rekin með 16 milljón króna rekstrarafgangi á næsta ári. Álagningarprósenta útsvars verður langt undir hámarki eða 13,70% en hámarkið er 14,52%.
Vil ég þakka gott samstarf í bæjarstjórn á liðnu ári og starfsmönnum bæjarins fyrir að gæta skilvirkni í rekstri bæjarfélagsins.
Fjárhagsáætlunin verður aðgengileg á vef bæjarins fljótlega eftir helgi.
Ásgerður Halldórsdóttir, bæjarstjóri.