Dagskrá Bæjarhátíðar Seltjarnarness hefur litið dagsins ljós og nú er lag fyrir bæjarbúa að setja sig í stellingar og hefja undirbúning að fullum krafti fyrir hverfagrillin.
Dagskrá Bæjarhátíðar Seltjarnarness hefur litið dagsins ljós og nú er lag fyrir bæjarbúa að setja sig í stellingar og hefja undirbúning að fullum krafti fyrir hverfagrillin.
Fjöldi viðburða eru á döfinni og má þar nefna meðal annars Brekkusönginn í Plútóbrekku sem Jón Jónsson söngvari stýrir, Frikki Dór mætir einnig á svæðið og Jói G. verður kynnir kvöldsins. Bæjarins beztu pyslur verða á svæðinu og bjóða upp á pylsur og Veislan býður upp á kjötsúpu.
Boðið verður upp á sundlaugapartý, hjólreiðaferð, skemmtiskokk, leiksýninguna ,,Ég og minn bipolar bróðir” sem hefur hlotið mikið lof og margt fleira. Dagskrá verður á Vivaldivellinum á vegum Gróttu og hin glæsilegu hverfagrill bæjarhátíðarinnar verða haldin á laugardagskvöldinu.
Nánari upplýsingar um einstaka viðburði koma inn þegar nær dregur.
Dagsskrá
Föstudagurinn 25. ágúst
17.00 - 19.00 Sundlaug Seltjarnarness – Sundlaugarpartý
Skemmtidagskrá í lauginni fyrir alla fjölskylduna. Meðal þeirra sem fram koma og skemmta
gestum eru hljómsveitirnar Stjúpmæður og Tapír. Óvæntar uppákomur á vegum World Class
á sundlaugarbökkunum og Arna – ís og kaffibar býður upp á ís í tilefni dagsins.
Frítt er í laugina og World Class allan daginn í tilefni hátíðarinnar.
20.00 - 21.30 Brekkusöngur í Plútóbrekku – Jón Jónsson & Frikki Dór
Kynnir kvöldsins verður Jói G. Bæjarins beztu býður brekkusöngsgestum upp á bæjarins
beztu pylsur og með þeim. Veislan býður upp á ljúffenga kjötsúpu og boðið verður upp
á heitt súkkulaði í Seltjarnarneskirkju meðan á brekkusöngnum stendur.
Laugardagurinn 26. ágúst
10.00 Hjólreiðatúr með Bjarna Torfa um Seltjarnarnesið
Bjarni Torfi er fullur af fróðleik um Seltjarnarnesið og mun hann miðla honum áfram í stór-
skemmtilegum hjólreiðatúr. Lagt verður af stað frá Sundlaug Seltjarnarness að framanverðu.
11.30 Skemmtiskokk með Trimmklúbbi Seltjarnarness
TKS býður bæði upp á skemmtiskokk fyrir nýja hlaupara og einnig ferðir fyrir lengra komna.
Lagt verður af stað frá Sundlaug Seltjarnarnes að framanverðu og endar í gleðinni á Vivaldivellinum.
12.30 – 14.30 Gróttudagurinn á Vivaldivellinum
12:30 – 13:30 Byrjað á Sprelli uppi á Vivaldivelli – keppt verður í handbolta, fótbolta, pokahlaupi og fleiru skemmtilegum þrautum.
13:30 – 14:30 Ratleikur hjá öllum deildum Gróttu – Við endum leikinn við Vivaldi völlinn.
15:00 Heimaleikur á Vivaldi vellinum – Frítt inn
Mfl.kk Gróttu spilar á móti Þór. Öllum bæjarbúum verður boðið frítt inn á leikinn í boði Seltjarnarnesbæjar.
Úrslit úr ratleik verða kynnt í hálfleik. Nánar á grottasport.is
18.00 Götugrill bæjarins hefjast í hverfunum og boðið verður upp á ýmsar skemmtanir í boði íbúanna
Sunnudagurinn 27. ágúst
11.00 Appelsínugul messa í Seltjarnarneskirkju
Sr. Bjarni Bjarnason stendur fyrir appelsínugulri sunnudagsmessu. Veittar verða
viðurkenningar fyrir frumlegustu húsaskreytinguna og flottustu götuskreytinguna.
12.00 – 14.00 Golfmót yngri kynslóðarinnar
Nesklúbburinn stendur fyrir púttmóti og golfþrautum fyrir yngri kynslóðina
í tilefni af bæjarhátíð Seltjarnarnesbæjar.
17.00 Leikritið ,,Ég og minn bipolar bróðir” – Frítt inn
Verkið verður sýnt í Félagsheimili Seltjarnarness. Leikritið er nýtt verk eftir Tómas Gauta Jóhannsson sem leikur jafnframt annað aðalhlutverkið ásamt Gissuri Ara Kristinssyni. Níels Thibaud Girerd er leikstjóri verksins.
