Áramótabrennan verður á sínum stað á Valhúsahæð á gamlárskvöld ásamt flugeldasýningu og fjöldasöng. Sjáumst í hátíðarskapi með hlífðargleraugun og athugið að kveikt verður í brennunni klukkan 20.30.
Um leið og við óskum Seltirningum öllum gleðilegs nýs árs og færum þakkir fyrir árið sem er að líða vekjum við athygli á því að áramótabrennan verður á sínum stað á Valhúsahæð. Kveikt verður í henni stundvíslega kl. 20.30. Seltjarnarnesbær stendur að vanda fyrir brennunni og flugeldasýningu auk þess að bjóða upp á fjöldasöng undir stjórn Hermanns Arasonar eins og hann hefur gert undanfarin tuttugu ár eða svo. Seltjarnarneskirkja er með opið hús frá kl. 20.30-22.30 og býður upp á heitt súkkulaði, smákökur og tónlist. Sjáumst öll í hátíðarskapi á Valhúsahæð á gamlárskvöld og munum eftir hlífðargleraugunum!