Samkvæmt reglugerð nr. 1000/2005 ber Seltjarnarnesbæ að auglýsa aðgerðaráætlun gegn hávaða og kynna hana með almennum hætti í sveitarfélaginu. Reglugerðin byggir á tilskipun 2002/49/EB um mat og stjórn á hávaða í umhverfinu.
Aðgerðaráætlunin er byggð á niðurstöðum kortlagningar hávaða frá árunum 2013 og 2017. Áætlunin hefur það að markmiði að draga úr hávaða og óæskilegum áhrifum hans.
Bæjarbúum og öðrum hagsmunaaðilum er gefinn kostur á að gera skriflegar athugasemdir við áætlunina. Athugasemdir skulu berast Seltjarnarnesbæ, Austurströnd 2 eða á netfangið postur@seltjarnarnes.is fyrir 31. október 2018.
Aðgerðaráætlunin verður til kynningar á heimasíðu Seltjarnarnesbæjar og í þjónustuveri Seltjarnarnesbæjar, Austurströnd 2, frá 3. október – 31. október 2018.
Að kynningu lokinni verða athugasemdir teknar til umfjöllunar og tekið tillit til þeirra eftir atvikum. Öllum athugasemdum verður svarað. Endanleg áætlun verður afgreidd af bæjaryfirvöldum.