Dagforeldrar eru sjálfstætt starfandi en Seltjarnarnesbær sér um leyfisveitingar og sinnir lögbundnu eftirliti með starfseminni auk ráðgjafar til dagforeldra og foreldra.
Dagforeldrar á Seltjarnarnesi veita börnum daggæslu og sjá sjálfir um skráningu og innritun barna. Skólanefnd Seltjarnarness veitir starfsleyfi til dagforeldra og sinnir lögbundnu eftirliti með starfseminni eins og kveðið er á um í reglugerð félagsmálaráðuneytisins.
Umsókn um niðurfellingu á gjaldi vegna dagvistunar barns hjá dagforeldri fer fram í gegnum mínar síður.
Starfandi dagforeldrar á Seltjarnarnesi
Skráðir dagforeldrar eru tveir á Seltjarnarnesi. Viðtalstímar þeirra eru frá kl. 12:00-15:00 alla virka daga.
| Nafn | Heimilisfang | Sími | Starfstími |
| Anna Jónína Kristjánsdóttir | Melabraut 19 | 561 1607 / 848 6501 | 7:30 - 14:00 |
| Ágústa H. Vignisdóttir | Unnarbraut 17 | 561 2617 | 7:45 - 15:15 |
Framlög vegna dvalar barna hjá dagforeldrum
Bæjarstjórn Seltjarnarnesbæjar samþykkir að greiða mánaðarlega í ellefu mánuði á ári vissa fjárhæð vegna dvalar barna með lögheimili á Seltjarnarnesi. Bæjarstjórn ákveður fjárhæð hverju sinni að fenginni tillögu Skólanefndar.
Skilyrði fyrir greiðslu framlags eru eftirfarandi:
- Að barnið eigi lögheimili á Seltjarnarnesi.
- Að viðkomandi dagforeldri hafi starfsleyfi samkvæmt reglugerð um daggæslu barna í heimahúsum nr. 907/2005
- Að barn hafi náð 12 mánaða aldri.
- Að barnið sé slysatryggt.
- Að foreldri sæki um niðurgreiðslur til Seltjarnarnesbæjar, á þar til gerðu eyðublaði.
Mánaðarleg fjárhæð:
Í gjaldskrá bæjarins má sjá þá fjárhæð sem greidd er með hverju barni út frá mismunandi forsendum.
- Greitt er fyrir hálfan og heilan mánuð og miðast greiðslan við 1. og 15. hvers mánaðar.
- Leggja skal fram fjölskylduvottorð í tilviki einstæðra foreldra og námsvottorð í skóla í tilviki námsmanna.
- Foreldrar sem eiga tvö eða fleiri börn fá systkinaafslátt fyrir barn/börn sem eru í leikskóla og/eða í Skjóli / Frístund.
- Kaupandi þjónustu nýtur þess afsláttar sem kemur honum best samkvæmt uppfylltum skilyrðum.
- Afsláttur leggst ekki við afslátt.
Eftirlit og leyfisveitingar
- Sviðsstjóri fjölskyldusviðs annast leyfisveitingar og veitir dagforeldrum ráðgjöf og sér um eftirlit.
- Reglulegar heimsóknir eru 2-3 á ári og oftar á reynslutíma dagforeldris sem og ef upp koma athugasemdir og/eða kvartanir frá foreldrum.
- Val á dagforeldri er á ábyrgð foreldra og því er mikilvægt að þeir kynni sér vel þjónustuna sem í boði er s.s. allan aðbúnað, leikfangakost, hvíldaraðstöðu og leikaðstöðu bæði inni og úti.
- Foreldrar eru hvattir til að ræða við dagforeldri barnsins ef umönnun eða aðbúnaði er ábótavant.
- Foreldrar skulu gera skriflegan samning við dagforeldrið um dvalartíma og gjald fyrir dvölina